CAGAYAN DE ORO CITY – Gikompirmar sa local nga kagamhanan sa Iligan ang report nga dunay daghang manok ang namatay sa usa ka purok sa Brgy Pugaan, Iligan City sa miaging semana.
Miingon si Iligan City Information Officer Joe Pantoja nga gilayong gimanduan ni Iligan City Mayor Celso Regencia ang ilang City ariculture office nga imbestigaran ang hitabo ug sayron ang hinungdan niini.
Mi-apelar ang konseho sa Iligan City sa publiko nga mutabang sa gilusad nga imbestigasyon sa city veterenary office ug dili magpakatag sa fake news.
Unang mipasabot ang veterenary office nga posibleng nagbaton sa mananakod nga sakit ang mga manok ug paspas kining mikatag sa uban pang mga manok.
Gisusi na sab sa mga eksperto ang tinae sa mga nangamatay nga manok aron masuta kung namatay ba kini sa kontaminasyon o sa hilo.
Hinoon, gibutyag sa Iligan City LGU nga isolated ang maong kaso.
Una niini, nagviral sa social media ang misteryosong kamatayon sa kapin 20 ka mga manok sa Barangay Pugaan.
