CAGAYAN DE ORO CITY-Nagkatag ang giingong dul-ag 30 ka patay’ng lawas sa mga sibilyan nga naglakip sa
doktor,magtutudlo ingon man pari sa Brgy Dansalan ug Brgy Lelod,Marawi City,Lanao del Sur.
Kini human giingong gilakip sa teroristang Maute sa pagpatay sulod sa moske ug nagtago sa basakan sa Brgy Dansalan atol sa unang adlaw sa engkuwentro batok militar.
Namahayag ang testigo nga si Patrick Gonzales nga usa sa mga biktima ang giputla’g ulo sa mga terorista.
Samtang,gibutyag usab sa laing residente nga si Leloy Anlog nga gipatay gihapon sa mga terorista ang upat ka maestra ingon giputla’g ulo ang paring Katoliko sulod sa tunghaan sa Brgy Lelod sa maong lugar.
Samtang nagdumili sa pagkompirmar ang 1st Tabak Division,Philippine Army sa gisulti sa mga sibilyan nga laing dul-ag 30 ka kinabuhi sa tawo nga naglakip sa pari,doktor ug mga magtutudlo ang gipangpatay sa teroristang Maute sa magkalahi nga lugar sa Marawi City,Lanao del Sur.
Namahayag si 1st Tabak Division,Philippine Army spokesperson Lt Col Jo-ar Herera nga mohimo una sila’g beripekasyon sa ilang nadawat nga report gikan sa Bombo Radyo.
Hinoon,gikompirmar ni Herera ang pagkadagit ni Fr Chito Suganob kinsa vicar general sa Saint Mary’s Cathedral nga nakabase sa Marawi City.
