CAGAYAN DE ORO CITY-Nakagawas na ang kadaghanan sa dul-ag 300 ka batan-on nga unang naigo sa outbreak samtang mitambong sa katiguman sa Seventh Day Adventist Reform Movement sa Cedar Resort,Brgy Impalutao,Impasug-ong,Bukidnon.
Kini subay sa gitaho sa health investigators gikan sa Dept of Health o DoH-10 nga gilayong misaka sa Bukidnon aron pag-imbestigar sa hitabo.
Miingon si DoH regional spokesperson Dr Dave Mendoza nga gisubmitar na usab sa duha ka doktor nga gipadala ni Sec Francisco Duque III ang resulta sa imbestigasyon sa pagkahilo sa mga biktima.
Una niini,gihulat na sa DoH-10 ang opisyal nga report gikan sa DoH-Manila kon nahilo sa gikaon ug giinom sa tubig ba ang mga biktima nga nadala sa lain-laing ospital sa Bukidnon sa miaging semana.
