CAGAYAN DE ORO CITY-Natakbuyan na sa sakit nga diarrhea ang dul-ag 300 ka residente sa lungsod sa Medina,Misamis Oriental.
Kini ang gikompirmar ni Medina Municipal Administrator Ariel Anghay pinaagi sa pakighinabi sa Bombo Radyo.Gitin-aw ni Anghay nga walay “food poisoning” nga nahitabo sa mismong piyesta o sa Araw ng Medina sa milabay’ng semana.
Sa pagkakaron, anaa na sa kapin 200 ka pasyente ang nadala sa Rural Health Unit ug laing 98 sa hospital sa Medina.Pulos naggikan ang mga pasyente sa Brgy. Kabug, Maanas, Brgy North ug South Poblaccion.
Samtang gipatawag sa sangguniang bayan sa Medina ang mga naglangkob sa water cooperative nga Narwasco.
Gibutyag ni Anghay nga human sa usa ka adlaw nga labtest,napamatud-an nga kontaminado ang tubig nga gikan sa maong kooperatiba.
Wala pay askyon ang mga magbabalaod sa maong lugar kung pasak-an ba nilag tukmang kaso ang Narwasco.
Gipaubos na sa diarrhea outbreak ang upat ka apektadong barangay sa tuyo nga dunayn makuhang pondo ang konseho para sa gatosang mga biktima.
