CAGAYAN DE ORO CITY – Luwas na ang muabot sa 300 ka mga pasahero sa Ocean Jet 7 human kini misagyat sa gilay-ong 1.5 kilometros gikan sa pantalan sa Plaridel Misamis Occidental, kaganina sa buntag.
Namahayag si Philippine Coast Guard 10 spokesperson Ensign Jefred Quirog nga paspas nila narespondehan ang tawag sa kapitan sa barko ug luwas nga nahaw-as ang kinatibuk-ang 271 ka pasahero ug 17 ka crew.
Miingon si Ensign Quirog nga tungod sa kusog nga hangin, ug dagkung balod nadala ang fast craft sa hunas nga bahin sa maong pantala ug diriyot mabalintong.
Hisayran nga migamit sa 20 ka mga rescue boats ang PCG aron paspas nga maluwas ang mga na-stranded nga mga pasahero.
