CAGAYAN DE ORO CITY-Napatay sa militar ang 36 ka sakop sa teroristang Maute Group nga gilakipan sa upat ka langyaw’ng jihadis sa magpila ka adlaw nang engkuwentro sa Piagapo,Lanao del Sur.
Kini human nabawi na sa hingpit sa militar ang usa ka kota sa mga terorista diin nakuha ang mga bala,papeles ug electronic gadgets.
Mismo si 1st ID,Philippine Army commanding officer Brig/Gen Rolando Bautista ang mibisita sa lugar aron pasalamatan ang kasundaluhan nga mipulbos sa mga terorista.
Kabahin sa giingong namatay ang usa ka Kumander Abdul Imam Bantayao ug laing deputy commander Mael.
Gitin-aw usab ni Bautista nga samaron lamang ang tulo ka sundalo atol sa pakig-engkuwentro batok sa mga terorista.
