CAGAYAN DE ORO CITY- Gipalig-on pa sa kagamhanang lokal ang kampany kontra tanang kreminalidad nga matigayon partikular sa bisinidad sa merkado Cogon ning syudad.
Kini human gi-instolar ang dul-ag 50 ka CCTV cameras nga nagbalor kapi’g 2 milyon pesos sa gawas ug ikaduhang andana sa maong merkado kagahapong adlawa.
Miingon si City Mayor Oscar Moreno nga dako na kini’g ikatabang sa kapolisan aron masumpo ang nagkadaiyang kremin nga posibleng mahitabo sa maong bahin sa syudad.
Gisaksihan usab sa kadagkuan sa city police officials ang instolasyon sa state of the art CCTV cameras kagahapon sa buntag.
