Misaka pa sa 966 ka tawo ang stranded sa ilang biyahe gikan sa upat ka dagkong pantalan sa Northern Mindanao, pagka-alas 4 sa hapon, Pebrero 5.
Namahayag si Philippine Coast Guard-Northern Mindanao – Operations Officer Lt. Aiko Tocmo nga akip sa mga apektadong pantalan mao ang Port of Cagayan de Oro, Port of Ozamis, Port of Tagoloan, ug Holcim Port sa Lugait, Misamis Oriental.
Muabot sa 13 ka sakyanan ang wala makapadayon sa biyahe tungod sa peligro nga kondisyon sa dagat dala sa signal no. 2 nga ulan ug hangin sa Bagyong Basyang.
Sa maong gidaghanon, siyam niini ang ang nagpasilong sa mga pantalan aron malikayan ang kadaot ug masiguro ang kaluwasan sa tripulante ug pasahero samtang naghulat nga moluwas ang panahon.
Padayon ang abiso sa PCG sa mga mananagat nga likayan una ang mamasol sa kadagatan kay ang hinay ang pag-aginod sa bagyo.
