CAGAYAN DE ORO CITY – Malugwayan pa ang kalbaryo sa katawhang Pilipino, bisan sa paghuman sa Semana Santa
Nunot kini sa dul-an 2 pesos nga usbaw sa presyo sa tanan produktong petrolyo, sugod Abril 22.
Mipasidaan ang Department of Energy (DOE) sa tanan motorista nga maghugot-bakus tungod kay sugaton kini sa bug-at nga singil sa lana sa Martes.
Subay sa ulahing forecast sa ahensya, lauman nga mupatong sa tag P1.10 hangtud P1.40 ang singil kada litro sa diesel.
Samtang ang gasolina adunay usbaw sa tag P1.30 – P1.60 kada litro.
Aduna usab gamay nga paglihok sa presyo sa kerosen.
Pipila sa nakita nga hinungdan sa pagsaka sa presyo sa lana mao ang pagpresyur sa Estadus Unidos sa Iran nga masugdan ang hisgutanang nuclear.
Sa adlaw’ng Lunes, lauman nga mupagawas sa bag-ong data ang DOE alang sa gitakdang pagsaka sa presyo sa lana.
