Dul-an 20-mil ka mga indibidwal ug mga paresan ang natabangan sa Serbisyong Klarex alang sa tuig 2025. Kini maoy naglangkob sa accomplishment report sa buhatan ni City Mayor Rolando Klarex Uy. Gibutyag ni City Information Office Head Jade Adecer nga mukabat sa 10,427 ang benepisyaryo sa sa Peoples Day sa dakbayan. Anaa sa 745 ka paresan ang benepisyaryo sa Kasalan ng Bayan. Dugtong niini, musumada sa 1626 ang nahatag nga burial assistance ug ang anaa sa 6,854 ang nahatagan sa Medical and Financial Assistance. Wala pay labot sa maong ihap ang peoples day beneficiaries nga gilusad sa duha ka barangay ug personal nga gitambungan ni Mayor Uy, kagahapong adlawa.
