CAGAYAN DE ORO CITY – Naka-kustodiya sa pipila ka batallion ug brigade sa militar ang dul-an 20 ka aktibong sakop sa rebeldeng New People’s Army o NPA nga ubos sa hurisdiksyon sa 4th Infantry ‘Diamond’ Division,Philippine Army.
Kini resulta sa unang gisulti sa bag-ong 4th ID commander Brig Gen Wilbur Mamawag nga ipadayon ang tahas nga ipahuyang pa ang CPP-NPA-NDF nga naglihok sa porsyon sa Northern Mindanao ug Caraga Regions.
Gibutyag sa heneral nga walay pag-usik sa panahon sa ilang tropa hangtod nga mangbalik sa sabakan sa balaod ang mga rebelde sa kabukiran.
‘Una nang nabawi sa militar ang halos 20 ka tag-as nga kalibre sa armas nunot sa mga engkuwentro ug boluntaryo usab nga pagtahan sa mga rebelde balik sa kagamhanan.
Hisayrang gitinguha sa pamunuan ni President Rodrigo Duterte nga mahunong na unta ang insurhensiya apan mismo ra usab kini ang miangkon nga lisod pa makab-ot tungod sa kadako sa kakulangon sa gobyerno.
