CAGAYAN DE ORO CITY – Nagpalagsik pa sa ilang mga panglawas ang dul-an 20 ka residente nga samaron sa pagkahaybul sa ilang gisakyang elf-truck sa Brgy Baliwagan,Balingasag,Misamis Oriental.
Kini human natikangkang ang maong truck kay kalit mibuto ang likod nga bahin sa ligid hinungdan sa pagkawala ilang balanse sa maong lugar.
Gibutyag ni Balingasag Police Station commander Maj Teodoro de Oro nga pauli na ang mga biktima nga posibleng gikan nag-outing sa dihang natigayon ang aksidente.
Gilayong gidala ang mga biktima sa provincial hospital aron mahatagan sa dinaliang medikasyon.
Giklaro ni De Oro nga walay kinabuhi nga nakalas gikan sa mga sakay sa truck ug bisan sa mga residente nga nagpuyo sa lugar.
