Miresulta sa pagkahagba sa dul-an 200 ka high-value personalities ang gipahigayon nga kapin usa ka gatos ka anti-drug operations sa PDEA Region 10 sukad Enero hangtod ning kasamtangang buwan sa Oktubre.
Gipadayag ni PDEA Region 10 Regional Director Alex Tablate nga nakumpiska usab ang kapin usa ka kilo ug 400 ka gramo nga iligal nga droga gikan sa 101 ka PDEA-initiated operations sa tibuok rehiyon.
Gumikan niini, gilangkuban sa maong kalambuan ang kapin 45 ka high-impact operations nga naglakip sa pagguba sa mga linya sa target-listed drug personalities.
Samtang, nagpabilin nga nagpa-igmat ang buhatan sa paghimo og dugang operasyon aron maseguro ang kaluwasan sa kadaghanan batok sa iligal nga droga.
