Daghang mga kalapasan ang nahimo sa gobyerno sa Ukraine samtang gilusad ang ceasefire sa Easter Sunday.
Sumala sa Russian Defense Ministry, ang Ukrainian armed forces nakalapas sa 1,971 ka beses gikan Sabado hangtod alas 8 sa buntag Domingo.
Giingon nga adunay tulo ka gabii nga pag-atake sa posisyon sa Russian troops sa duha ka settlement sa Dnipropetrovsk region ug napugngan usab ang upat ka paningkamot sa Sumy ug Donetsk.
Ang Russia nagpasabot nga ilang mga tropa striktong mituman sa ceasefire ug nagpabilin sa ilang mga linya ug posisyon.
Sa laing bahin, ang Ukraine usab nag-akusar sa Russia nga nakalapas sa truce, nga nagrekord ug 2,299 ka violations sa alas 7 sa buntag Abril 12.
Ang ceasefire gipahibalo ni Russian President Vladimir Putin gikan alas 4 sa hapon Sabado hangtod sa katapusan sa Domingo.
Si Ukrainian President Volodymyr Zelensky miingon nga ang Ukraine motuman sa truce ug motubag sa “strictly reciprocal manner.”
