CAGAYAN DE ORO CITY – Halos 40 ka tawo na ang kompirmadong namatay sa pagtakboy sa sakit nga dengue nga dala sa mga lamok sa Northern Mindanao region sugod Enero 1 hangtod Hunyo 22 ning tuiga.
Kini ang pagsaysay ni registered nurse nga si Jasper Kent Ola sa Regional Epidemiology Surveillance and Disaster Response Unit sa Dept of Health-10.
Gibutyag ni Ola nga sulod sa maong bahin sa tuig,anaa sa 8-mil 485 ang kompirmadong dengue cases diin mas taas kini sa 35. 39 percent sa susamang period sa milabay’ng tuig.
‘So,we recommend and we advise,we suggest nga katong naanay gihilantan sulod,niabot na sa tulo ka adlaw nga paghilanat,dili maayo ang gibati adto sa atong rural health center o balay-tambalanan aron gilayong maatiman.’
Siya miingon nga naggikan sa Bukidnon ang labing taas nga kaso sa dengue kay mitala sila sa 3-mil 319 samtang ang Misamis Occidental ang nagkupot usab sa highest attack rate nga anaa sa 22.49 percent kada-10-mi ka tawo.
Sa 7-mil 232 ka admitted dengue patients sa nagkadaiyang ospital sa rehiyon, sagad kanila nag-edad 5 hangod 9 anyos.
