CAGAYAN DE ORO CITY – Nakabawi ang kapolisan sa laing hugna sa mga inismagol nga sigarilyo nunot sa gipakusog nga anti-smuggling operation batok mga sindikato nga tigpalusot sa mga kontrabando nga gasulod sa Lanao del Norte .
Namahayag si Lanao del Norte Police Provincial Office Director Col Roy Magsalay nga halos 70 ka reams sa klase-klaseng mga sigarilyo ang nakompiskar sa Kapatagan Police Station gikan sa nagkadaiyang mga tindahan sa lungsod sa Kapatagan.
Siya miingon nga ang halos 70 ka reams ang gilangkuban sa brand nga Fort; New Far;Cannon,New Berlin,Modern ug GIFT nga gibana-banang nagkantidad 54-mil 400 pesos.
Gitimbaya sa opisyal ang makugi nila nga operating troops nga walay kaluya paggukod sa mga utok sa pagpakuyanap sa ilegal nga produkto nga gasulod sa Lanao del Norte.
