CAGAYAN DE ORO CITY – Gitubag sa laing sunog ang pagkaugdaw sa siyam ka balay nga dunay 500-mil pesos nga damyos sa Villa Verde,Brgy Balulang diha sa Zone 12, Brgy Patag ning syudad.
Gibutyag ni BFP ground commander Fire Insp Samson Velarde nga anaa sa pito ka gagmay’ng balay ang nasunog sa maong lugar kaganihang kadlawon.
Siya miingon nga tipik sa ilang gisuta nga anggulo ang depektoso nga linya sa koryente ug ang teorya nga dunay nagluto hinungdan sa maong sunog.
Hinoon,walay kinabuhi sa 37 ka indibidwal nga okupante sa maong sunog nga dunay bana-banang structural damage nga 300-mil pesos.
Samtang limitado ang mahatag nga tabang sa konseho sa brgy kabahin sa pagkasunog sa dul-an 10 ka balay sa Zone 12,Brgy Patag ning syudad kaganihang kadlawon.
Miingon si Patag Punong Brgy Vic Abaday nga makahatag sila sa pagkaon ug ubang kinahanglanon subay sa kapas sa ilang panudlanan apan dili sa construction materials.
Kini tungod kay kamulo ang kaso sa duha ka claimants sa maong duluna diin nahimutang usab ang mga biktima sa sunog.
Gani,mo-testigo si Abaday sa pagdungog sa korte kabahin sa legal land dispute ugmang adlawa.
