Musamot pa ang kalbaryo sa mga drayber sa depampasaherong jeep, mga motorista ug bus tungod sa laing hugna sa usbaw sa singil sa lana ning adlawa.
Subay sa data sa Department of Energy (DOE) nagdungan ang mga oil companies sa pagpasaka sa singil sa diesel o krudo sa balor P12.50 kada litro. Samtang ang gasolina adunay P2.50 nga increase matag litro.
Ang kerosene mipahamtang sa P2.00 kada litro nga usbaw.
Hisayran nga tungod sa pagsira sa Strait of Hormuz, nakasinati ang tibuok kalibutan sa pagtaas sa presyo sa lana. Gisiguro usab sa gobyerno nga adunay suplay sa lana ang nasud nga molungtad hangtod sa 50 ka adlaw.
