CAGAYAN DE ORO CITY- Gipatutukan ni DoH Sec Francisco Duque III ang pagkahilo sa dul-ag 300 ka batan-on sa Cedar Resort,Barangay Impalutao,Impasug-ong,Bukidnon.
Kini human nadala sa nagkadaiyang ospital ang mga biktima dihang nanakit ang mga tiyan,naghilanat ug nagsuka-suka tungod sa nainom nga tubig ug nakaon nga pagkaon sa usa ka katiguman sa relihiyosong grupo.
Miingon si DoH-10 spokesperson Dr Dave Mendoza nga hinoon nga pulos na luwas ang mga biktima human mahatagi sa medikasyon.
Una nang natumbok nga pulos partisipante sa Seventh Day Adventist Reform Group ang nagpartisipar sa maong katiguman sa Cedar resort sa Brgy Impalutao,Bukidnon sa miaging adlaw.
