CAGAYAN DE ORO CITY-Gikuha na sa pamilya ang suspected drug pusher nga napusilan-patay sa kapolisan sa gidad-an nga punerarya diha sa Bollozos sa Brgy Bulua sa syudad kagahapong adlawa.
Kini human unang gibutyag ni Macasandig Police Station commander Sr/Insp Mario Mantala nga misukol sa ilang tropa ang suspek nga si Arnel Patria,hingkod ang panuigon nga nagpuyo sa Sitio Cala-Cala,Brgy Macasandig ning syudad.
Sa paghiling sa mga operatiba sa Scene of the Crime Operatives o SOCO-10,narekober gikan sa suspek ang upat ka sachets sa suspected shabu,marked money,granada ug punto 22 kalibre nga armas.
Nakaangkon sa upat ka pinusilan gikan sa kapolisan ilabina sa iyang dughan hinungdan sa kamatayon niini sa anti-illegal drug buy bust operation sa maong lugar sa miaging Sabado sa gabii.
