CAGAYAN DE ORO CITY- Patay nang nakit-an ang usa ka detinado nga suspected drug pusher sulod sa mini-cell sa Macabalan Police Station diha sa Brgy Macabalan sa dakbayan kaganihang buntag.
Giila ang biktima nga si Wilfredo Taban,56 anyos,minyo ug nagpuyo sa Sitio Barra sa maong dapit.
Gibutyag sa Macabalan Police Station commander C/Insp Ernesto Daing nga subay sa gisulti sa kaubang piniriso sa biktima nga gikan sila nangaon sa sud-an nga lechon manok sa miaging gabii.
Apan kalit na lamang nagsipa-sipa ang biktima nga gisita usab sa kaubang piniriso kaganihang kadlawon.
Gilayong gihiling sa mga taga-SOCO ang biktima diin nagtoo sila nga posibleng namatay sa gihambin nga sakit.Sa pagkakaron,gidala pa sa punerarya ang biktima aron mapahiluna.
