Gipalig-on pa sa pro-Duterte supporters nga nagkatag sa ubang bahin sa kalibutan ang ilang pagpasabot nunot sa pagkatawo ni kanhi Pres Rodrigo Duterte.
Kini human kabahin sa mihatag sa pagpasabot niini ang iladong propesor nga si Ana Malindug Uy kinsa bise-presidentee sa Asian Century Strategic Studies Institute sa mga pag-interbyu kaniya sa international media.
Siya miingon nga saksi kini sa paningkamot ni Duterte kung giunsa pagpaningkamot nga masumpo ang pagkaylap sa illegal nga droga rason gilusad ang war on drugs campaign sulod sa unom ka tuig.
Miingon si Uy nga tungod sa pagpatuman ni Duterte sa gubat kontra droga, nabati nila ang luwas nga paglakaw-lakaw niini sa panahon sa matag-gabii ilabina sa kauluhan.
Kini ang rason nga gisaway niini ang pagtugot sa Marcos administration kung ngano nga gitugtan nga bitbiton sa ICC si Duterte nga dad-on sa Netherlands.
Una nang gipasalig nga dili daw ilhon sa Pilipinas ang ICC ug dili motabang batok sa pagtaral kang Duterte apan dakong sukwahi ang nakit-an sa katawhan niadtong adlaw’ng Martes.
Apan pagpasabot ni Pres Bongbong Marcos nga wala sila mosanong sa ICC apan pagtuman sa obligasyon sa International Police o InterPol nga maoy nagsilbi sa arrest warrant gamit ang mga sakop sa Philippine National Police.
