CAGAYAN DE ORO CITY- Nagdumili si Presidente Rodrigo Duterte nga molugwa’g pondo aron magamit pagtukod sa mga balay sa internally displaced persons o IDPs sa nahitabo nga gubat sa Marawi City sa miaging tuig 2017.
Kini human kuwestiyona ang pagkalangan sa hingpit nga rehabilitasyon sa Marawi City ilabina sa 24 ka brgy nga grabeng apektado sa gubat sa militar ug teroristang Maute-ISIS.
Miingon si Duterte nga wala sa iyang plano nga himoon kini ilabina nga dagha’g salapi ang mga Maranao diin ang uban kanila nalambigit sa illegal drugs operation.
Nasayran nga dismayado na pag-ayo ang IDPs tungod sa balik-balik nga kalangan sa pagbalik nila sa ilang mga pinuy-anan sulod sa most affected area o MAA sa Marawi City.
