Gilayong gibatikos sa mga bag-ong tinudlo ni Pres Bongbong Marcos nga sila Presidential Communication Office Interim Secretary Jay Ruiz ug Palace Press Officer Atty Claire Castro si kanhi Pres Rodrigo Duterte.
Kini human nakapanumpa ang duruha atubangan sa presidenti isip bag-ong PCO officials sa administrasyon.
Gisaway ni Ruiz ug Castro ang gipakatag nga impormasyon ni Duterte nga padulong na mahimong diktador si Marcos sama sa gihimo sa amahan niini nga si kanhi Pres. Ferdinand Edralin Marcos Sr diin gipaubos ang Pilipinas sa 14 ka tuig nga martia law.
Apan depensa usab sa alyado ni Duterte nga si kanhi presidential legal counsel Atty. Salvador Panelo nga bug-at ang basehan nga ilang nahuptan batok sa administrasyon.
Dumduman nga ning adlawa, lab-ason sa katawhan ang ika-39 ka tuig nga anibersary sa EDSA People Power 1 Revolution.
