CAGAYAN DE ORO CITY, Philippines – Pormal nga gihatagan sa tawhanong konsiderasyon si kanhi Presidente Rodrigo Duterte sa unang pagdungog sa iyang kaso sa International Criminal Court (ICC), kagabie.
Gitin-aw si ICC Presiding Judge Iulia Antoanella Motoc nga dili pa kini ang regular nga hearing sa kasong gikalambigitan ni Duterte apan, igo lamang nagpatawag sa confirmation meeting ang korte kalabot sa identidad sa tawong na-isyuhan sa warrant of arrest
. Sa unang pulong gibasaha si Duterte sa iyang katungod ug gipakompirmar sa iyang identidad pinaagi sa pagsaysay sa iyang tibook nga ngalan, adlaw nga natawhan ug lugar kung asa gipanganak.
