Hinog na ang higayon ug angay nang makasuhan si kanhi Pres Rodrigo Duterte sa iyang duguon nga giyera kontra illegal nga droga sa nasud.
Kini ang gipalanog nga reaksyon nila Quadropol committee co-chaipersons Manila 6th District Cong. Benvienido Abante ug San Pedro Laguna Cong. Dan Fernandez nga misaksi usab sa pagtambong ni Duterte sa imbestigasyon sa senado.
Miingon si Abante nga daghang kaso ang mahimong mapasaka sa korte batok Duterte.
Sila si Abante ug Fernandez nga tinahasan ni House Speaker Martin Romualdez aron imbestigaran ang maong isyu kontra sa mga Duterte.
Sa pikas bahn,maglisod ang korte nga e-konbikto si Duterte kon tinud-anay nga adunay mangahas pagkaso kaniya gumikan sa iyang dugu-ong istilo sa pagsumpo sa illegal nga droga sa nasud.
Miingon ang kanhi si Atty Harry Roque nga bisan kon giunsa’g gisa ni Sen Risa Hontiveros sa maong imbestigasyon apan nalutsan kini ni Duterte.
Hinoon,bukas si Duterte nga moatubang sa mga kaso nga gipatoo sa mga kritiko niini sa iyang palisya sa giyera kontra illegal nga droga.
