Moduso na’g interim release petition ang kampo ni kanhi Pres Rodrigo Duterte sa International Criminal Court kabahin sa iyang pagka-priso sa Netherlands tungod sa pasangil nga crimes against humanity.
Miingon ang iyang abogado nga si Atty Nicholas Kaufman nga batakang katungo kini ni Duterte samtang kuwestiyonon nila ang hurisdiksyon sa ICC nga nanginlabot sa war on drugs policy sa Pilipinas sa miaging katuigan.
Siya miingon nga bug-at ang argumento aron tugtan sa ICC judges nga sa dili pa ang pagkompirmar sa sumbong ug mga ebedensiya batok sa maogn kaso,makauli na sa Pilipinas si Duterte.
Dumduman nga nabahin ang katawhan sa paagi sa pagdakop sa Philppine govt kang Duterte nga wala gamiti’g arrest order apan basi sa tsismis ug paspas kining gidala sa ICC headquarters niadtong Marso 11 ning tuiga.
Samtang imposible nga mahatag sa ICC ang gipangayo sa kampo ni Duterte nga interim release samtang atubangon ang kasong gipasaka batok kaniya sa mga biktima sa isyu sa extra judicial killings.
Miingon si Center for International Law Philippines Executive Director Atty Gilbert Andres nga usa sa mga abogado sa mga biktima nga sulod sa hurisdiksyon ang ICC ang pag-imbestigar kang Duterte rason nga lisod nga mahatag ang gipangayo niini nga kagawasan.
Siya miingon nga kumpiyansa sila nga lig-on ang ilang basehan aron dili ma-absuwelto ang kaso kontra kang Duterte sa ICC.
