CAGAYAN DE ORO CITY – Gipasalig ni Pres Rodrigo Duterte sa MILF combatants nga dili mapasagdan sa pagbalik nila sa kinabuhing sibilyan.
Gihimo ni Duterte ang pahayag dungan sa pag-surender sa libuang MILF combatants sa ilang mga armas isip kabahin sa pagsunod sa peacetalks agreement sa gobierno.
Gibutyag ni Duterte nga unta kaabag na sa kagamhanan ang kanhi MILF combatants nga mitugyan sa ilang mga armas sa decomissioning process sa Maguindanao kagahapong adlawa.
Samtang masaligon ang Armed Forces of the Philippines o AFP nga dili na mobalik sa pagpakig-batok ang MILF combatants sa gobierno.
Kini human gisugdan sa MILF ug gobierno ang decommissioning process sa mga armas sa kapin libo nga Moro warriors sinaksihan ni Duterte kagahapon.
Miingon si AFP Western Mindanao Command spokesperson Maj Arvin Encinas nga mismo ang national govt ang moabag sa Bangsamoro Autonomous Region in Muslim Mindanao o BARRM aron matunol ang serbisyo sa ilang katawhan.
Target sa gobierno nga ma-surender sa MILF combatants ang 12-mil ka armas pag-abot sa tuig 2022.
