Nangayo sa interim release ang defense counsel ni kanhi Philippine President Rodrigo Duterte sa Pre-Trial Chamber sa International Criminal Court (ICC).
Subay sa nasang-at nga mosyon, giingon sa kampo ni Duterte nga dili na makatarunganon ang padayon nga pagpriso sa kanhi presidente tungod sa langan nga proseso ug makadaut kini sa iyang panglawas panahon sa pagdungog.
Gipasabot sa depensa nga adunay mga problema sa logistics nga nakaresulta sa walay kasigurohang pag-iktaba sa confirmation of charges.
Kini ang rason nga mi-apelar ang legal counsel ni Duterte nga hatagan siya sa temporaryong kagawasan ubos sa hugot nga mga kondisyon, lakip na ang pagbantay sa ICC ug kooperasyon sa usa ka nasud nga andam nga mopuyo kaniya.
Subay sa mosyon, ang interim release makasiguro gihapon sa katungod ni Duterte sa kagawasan samtang dili mabalda ang kaso ug ang nagpadayong fitness proceedings.
