Masaligon si Atty Jojo Lacanilao, Convenor sa Duterte Panagutin Movement nga makapagawas na sa desisyon ang House Committee on Justice kung aduna bay probable case ang duha ka impeachment complaints nga gipasaka batok kang Vice President Sara Duterte karong Abril 29.
Suportado ni Lacanilao ang pamalaod nga gipatuman ni Atty Gerville Luistro isip chairman sa komite nga likayan ang mini-trial nga klase sa pagkuwestiyon sa mga resource person, ug taman ra sa qualificatory questions ang ilang malabog sa mga gipang-imbitar sa komite.
Sa maong pamaagi, miingon si Lacanilao nga kung technicalities ang hisgutan, taas ang tsansa nga dili na kini mababagan sa Korte Suprema, bisan pa man nga adunay nagkuwestiyon sa proseso nga gipatuman ni Luistro. Hisayran nga hangtud karon, wala pay gipagawas nga Temporary Restraining Order (TRO) ang SC ug taas ang tsansa nga ang mga petisyon mahimoo nang moot and academic
