CAGAYAN DE ORO CITY – Dili imposibleng mahatagan sa konsiderasyon sa International Criminal Court o ICC ang kahimtang ni kanhi Pres Rodrigo Duterte bisan nag-atubang sa bug-at nga kaso nunot sa isyu sa extra judicial killings dinhi sa nasud.
Miingon si Netherlands-based BINC Angel Axinto nga dako’g tsansa nga adunay paghatag konsiderasyon nga dili sa ICC detention facility ma-kustodiya si Duterte tungod sa iyang edad nga mag-80 sa Marso 28.
Siya miingon nga subay sa ICC history,wala pa’y akusado nga nahatagan nila sa maong konsiderasyon hinungdang lauman niini nga buhaton sa mga abogado ni Duterte nga ihangyo kini sa ICC.
Hisayrang gibasahan na si Duterte sa iyang sumbong diin nadiskobre nga 43 lang kaihap sa giingong namatay sa anti-drugs campaign ang anaa sa reklamo ug sukwahi sa 30-mil nga gipatoo sa human rights advocates.
