CAGAYAN DE ORO CITY – Naka-sentro sa pagbatok sa kurapsyon ang kabahin sa mensahe ni Pres Rodrigo Duterte sa pagpahurar sa mga bag-ong napili nga mga opisyal sa syudad pinanguluhan ni City Mayor Oscar Moreno.
Kini human nanumpa ang bag-o ug ang nasublian sa mga opisyal sa syudad sa Xavier Estates Country Club, Upper Carmen sa syudad kagabii.
Miingon si Duterte nga unta gamiton sa mga napili nga opisyales ang ilang trabaho aron pagtabang kaniya nga mahunong na ang kultura sa kurpasyon nga nag-unang suliran sa nasud.
Mismo si Duterte ang unang misaad nga maoy mopahurar sa mga kandidato sa syudad kon modaug si City Councilor elect Girlie Balaba nga nadungog nga suod nga higala niini.
Nasayran nga sa mga alyado ni Moreno nga nakadaug sa piliay,bugtong sila re-elected City Councilors Ian Mark Nacaya ug Zaldy Ocon lamang ang pakyas makatunga alang sa maong kalihukan.
