CAGAYAN DE ORO CITY- Gimanduan karon ni Pres Rodrigo Duterte ang komunistang grupo nga iundang na ang pagpangatake,pagpangilkil ug pagpangdagit sa mga sundalo ug pulis palibot sa nasud.
Kini kon gusto sa mga komunista nga mahingpit ang sinultihay sa kahusay’g kalinaw nga gisugdan na mga negosyador sa Netherlands.
Gihimo ni Duterte ang pahayag atol sa subli pagbisita sa Camp Evangelista Station Hospital diin naka-confine ang 10 ka sundalo nga samaron sa magkalahi nga engkuwentro sa Bukidnon ug Caraga region.
Hisayrang una nang namahayag ang kasundaluhan nga bugtong ang Mindanao na lamang nag nagbaton sa daghang presensiya sa mga rebelde itandi sa Visayas ug Luzon.
