CAGAYAN DE ORO CITY – Gitahasan ni Pres Rodrigo Duterte ang local govt unit officials nga i-adaptar ang ‘whole of the nation approach’ sa pakigbatok sa novel corona virus.
Kini sa pagsiguro nga walay bisan usa ka Pinoy nga mamatay gumikan sa pagka-takbuyi sa maong balatian.
Miingon si City Mayor Oscar Moreno nga mao kini ang nag-unang tumong kon nganong gipatawag ni Duterte ang mga gobernador,municipal ug city mayors sa kauluhan sa miaging adlaw.
Miingon si Moreno nga gimanduan sila ni Duterte nga dili maghatag kumpiyansa ang LGU officials aron kalikayan nga dunay mag-positibo sa maong bayrus.
Sa 11 ka patients under investigation,walo na niini ang nakagawas kay negatibo sa bayrus samtang laing tulo ang ubos pa sa obserbasyon sa mga doktor sa rehiyon.
