CAGAYAN DE ORO CITY- Giawhag ni Pres Rodrigo Duterte ang mga sundalo nga samaron nga mopadali sa pagpaayo sa ilang mga samad nga naangkon sa pakig-engkuwentro batok sa rebeldeng New People’s Army o NPA.
Gihimo ni Duterte ang pagdasig sa mismong pabisita niya sa 10 ka sundalo nga gitambalan sa Camp Evangelista Station Hospital,Brgy Patag sa syudad kagahapon sa hapon.
Namahayag si Cpl Real Rami nga nadasig sila pag-ayo sa pagbisita ni Duterte diin gipanghatagan usab sa financial assistance,celphone ug uban pa.
Dugtong niini,gikalipay sa 4th ID,Philippine Army ang subli pagbisita ni Duterte sa mga sundalo nga naka-confine ospital sa syudad.
Gibutyag ni 4th ID spokesperson Capt Joe Patrick Martinez nga nabati sa ilang mga sundalo ang pagka-amahan ni Duterte sa oras nga mobisita kini sa kampo.
Una niini,maoy gibisita ni Duterte sila si Cpl Michael Maagad, Cpl Modi Remarat, Sgt Real Rami, PFCs Wendel Daayata, Peter Ladera, Alfie Ja-uculan, Jeffrey Mallorca, Renan Bertilo, Romeo Sajul ug Kenneth Romer.
