CAGAYAN DE ORO CITY-Gihagit ni Pres Rodrigo Duterte ang probable PDP-Laban candidates nga puy-an ug ubanan sa buhat ang prinsipyo sa partido aron masiguro ang kadaugan sa 2019 midterm election.
Gihimo ni Duterte kinsa chairman sa partido alayon sa inisyal nga pagdeklarar sa mga kandidato pagka-senador sa PDP-Laban sa sunod nga eleksyon.
Miingon si PDP-Laban party president Sen Koko Pimentel nga pulos intresado ang mga kandidato nga miduol kanila hinungdan subli kini magtigom aron e-finalize ang lineup ilabina sa Oktubre na ang pagduso sa sertipiko de kandidatura.
Kabahin sa gipilian sila si Sen. Koko Pimentel,Go, Sec. Harry Roque,Sec. Francis Tolentino, Rep. Monsour del Rosario,Rep. Dakila “Dax” Cua, Rep. Dong Mangudadatu ug Rep. Karlo Nograles.
Samtang masaligon ang political alliance Centrist Democratic Party o CDP nga mahilot ra ang bangi tali sa pipila ka opisyal ug miembro sa partido PDP-Laban sa dili pa ang midterm elections.
Gihimo ni Cagayan de Oro 2nd District Congressman Maxi Rodriguez Jr ang pahayag tungod sa paglugwa sa inisyal nga lista sa kandidato pagka-senador ang PDP-Laban sa sunod nga eleksyon.
Miingon si Rodriguez kinsa CDP member ug alyado sa PDP-Laban nga grupo ni Sen Koko Pimentel ang lehitimo nga giila ni Duterte nga mangulo sa administrasyon sa eleksyon.
Wala gihapon nawad-i’g paglaum si Rodriguez nga mahupay ang bangi ni Pimentel ug Atty Rogelio Garcia nga pulos miembro sa PDP-Laban.
