CAGAYAN DE ORO CITY-Dismayado si Pres Rodrigo Duterte sa laing imported garbage nga gikan sa Australia nga gipasulod sa Misamis Oriental sulod ning bulana.
Kini bisan nga anaa pa sa paningkamot ang gobierno nga hingpit makuha sa Canada ang ilang kapi’g 100 ka container vans nga puno sa basura nga gipalusot sa kauluhan sukad tuig 2013.
Miingon si Presidential spokesperson Salvador Panelo nga na insulto si Duterte sa gihimo sa Australia nga daw misundog na usab sa Canada nga gikonsiderar nga labayanan sa mga basura ang Pilipinas.
Una niini,gi-hold sa Mindanao International Container Terminal o MICT ang pito ka container vans nga puno sa mga basura gikan sa Australia nga gipanag-iya sa Holcim Philippine Incorporated o HPI dihang midunggo sa lalawigan niadtong Mayo 10 ning tuiga.
