CAGAYAN DE ORO CITY-Gidepensa ni Pres Rodrigo Duterte ang kapi’g semana na nga paggukod sa militar batok sa militanteng ISIS kuyog ang grupong Maute ug Abu Sayyaf sa Marawi City.
Gibutyag ni Duterte nga dili niya mahimo nga isakripisyo ang kinabuhi sa mga sibilyan ilabina nga aktibong miembro ang Pilipinas sa United Nations ug Geneva Convention diin naghatag proteksyon sa katawhan.
Miingo si Duterte kon masunod lamang unta ang iyang gusto,gilayong imando niini ang pagpulbos sa mga terorista sulod sa 24 oras sa Marawi City.
Nasuta nga 178 ka tawo na ang kumpirmadong namatay diin naglakip sa mga terorista,mga sundalo,kapolisan ug mga sibilyan.
