CAGAYAN DE ORO CITY- Gihagit ni Pres Rodrigo Duterte ang liderato sa CPP-NPA-NDF nga likayan ang pag-traydor sa sinultihay sa kahusay’g kalinaw tali sa gobierno sa nasud.
Kini human gibutyag ni Pres Duterte nga abli siya sa subli nga peace talks ug ceasefire sa komunistang grupo aron kab-uton ang malungtaron nga kalinaw sa nasud.
Gihimo ni Pres Duterte ang pahayag atol sa iyang pagbisita sa haya sa duha ka sundalo ug laing 7 ka naangol sa Camp Evangelista sa Brgy Patag sa syudad kagahapon sa hapon.
Samtang wala na gikakurat sa grupo sa peace advocates nga ipahayag ni Pres Duterte ang pag-abli sa pultahan sa gobierno alang sa CPP-NPA-NDF aron tukion ang peacetalks sa nasud.
Gibutyag ni IFI Bishop Felixberto Calang nga anaa kang Pres Dutere ang gawi nga mahigugmaon sa kahusay’g kalinaw hinungdan nga ila na kining gilauman nga subli tutukan sa gobierno.
Gihagit ni Calang ang komunistang grupo ug gobierno nga sudlan ang tinud-anay nga sinultihay sa kalinaw aron masumpo na ang kamatay sa duha ka panig.
