CAGAYAN DE ORO CITY-Gibaharan ni Pres. Rodrigo Duterte ang mga progresibong grupo nga nagtinguha’g pagpangilog sa mga dili ilaha nga yuta sa Amihang Mindanao.
Miingon si Pres. Duterte nga iyang gimando sa kapolisan ug militar nga pusilon ang mga militanteng mangilog ug yuta.
Gihimo ni Duterte ang bahad sa pag-apod-apod sa ‘certificate of land titles’ award CLOA ngadto sa 3-mil-400 ka binipisyaryo sa Department of Agrarian Reform Program diha sa University of Science and Technology of Southern Philippines o USTP kagabii.
Namahayag si Pres. Duterte nga dili na angayang mangilog ang mga kabus nga wala nagbaton ug yuta kay may plano na ang gobyerno alang kanila pinaagi sa programa sa DAR.
Samtang nakadayeg si Regional Peace and Order Council o RPOC chairman City Mayor Oscar Moreno sa paningkamot ni Duterte nga mahataga’g panahon matunol ang titulo sa mga yuta sa mga mag-
uuma sa rehiyon.
Kini human panguluhi ni Duterte ang paghatag sa kapi’g 5-mil ka ektarya sa yuta pinaagi sa
‘certificate of land titles’ award o CLOA sa mil-400 ka mag-uuma gikan sa rehiyon sa USTP gym ning syudad
kagabii.
Miingon si Moreno nga ang pagbaton na sa kaugalingong CLOA sa mga mag-uuma ang paagi sa gobyerno nga ihaw-as sila sa pagsilbing ulipon sa kaugalingong yutang natawhan.
Samtang dili matukib ang kalipay sa usa sa 3-mil 400 ka mag-uuma nga natagaan sa titulo sa yuta nga dugay nang gitikad diha sa bukirang bahin sa Initao,Misamis Oriental.
Kini human kabahin si Daisy Echavez nga nakadawat sa gipanghatag na nga certificate of land titles ni Duterte sa USTP gym ning syudad kagabii.
Miingon si Echavez kinsa dekada 40 ka gisugda’g tikad sa iyang mga katigulangan ang kapi’g ektarya nila nga yuta nga dako kaayo ang pasalamat nila sa gobierno aron mahuptan sa hingpit ang titulo niini.
Gisaksihan ang kalihukan nila ni Regional Devt Council chairman Bukidnon Gov Zubiri; RPOC chairman City Mayor Moreno,Misamis Oriental Gov Emano,Lanao Norte LGUs ug mga opisyal sa DAR.
