CAGAYAN DE ORO CITY-Gipasalig ni Pres Rodrigo Duterte nga dad-on sa dugang kalambuan ang Mindanao ubos sa iyang administrasyon.Mensahe kini ni Pres Duterte atol sa iyang pagtambong sa pagsira sa 26th Mindanao Business Conference sa Country Club sa Xavier Estates,Brgy Balulang ning syudad.
Giila ni Pres Duterte ang kontribusyon sa mga negosyante sa Mindanao alang sa ikalambo’g dugang sa nasud.
Nasayran nga mitambong usab ang mga ambassador sa Rusya,United Kingdom ug ubang foreign delegates sa tulo ka adlaw nga kalihukan.
Samtang ikalig-on pa sa turismo ug ubang sektor sa syudad ang pagtambong ni Pres Rodrigo Duterte sa ika-26 ka tuig nga MinBizCon sa syudad.
Kini human nadani sa Oro Chamber of Commerce ang ubang mga hugpong sa mga negosyante pagtambong sa tulo ka adlaw nga kalihukan.
Gibutyag ni Kag Jay Pascual,chairman sa komite sa turismo sa konseho nga lauman nila nga mokusog pa ang pagsulod sa investment sa syudad.
Hisayrang mismo usab sila si City Mayor Oscar Moreno,Cong Maxi Rodriguez ug Cong Klarex Uy ang kabahin sa mga misaksi sa kalihukan.
