CAGAYAN DE ORO CITY – Gitahasan ni Pres Rodrigo Duterte si Philippine Vaccine Czar Sec Carlito Galvez Jr nga dugangan ang alokasyon sa mga bakuna nga gikinahanglan sa mga syudad o probinsya nga dunay taas nga kaso sa COVID-19.
Partikular nga papun-an ni Duterte ang vaccine supply dinhi sa syudad maingon man sa ubang mga lugar nga walay hunong ang pagsaka sa kaso sa bayrus.
Gihimo ni Duterte ang kamanduan nunot sa iyang nadawatan nga mga tawag nga naghangyo ang pipila ka mayores ug gobernadores alang sa maong katuyuan.
Samtang gihimo na ni Galvez ang pagdugang alokasyon sa mga bakuna alang sa mga lugar nga may tag-as nga mga kaso sa COVID-19 infections.
Kini ang tubag ni Galvez sa gitahas kaniya ni Duterte aron daghan pang katawhan ang mahatagan sa bakuna batok sa bayrus.
Miingon si Galvez nga mismo siya ang nakakita kon unsa ka intresado na ang katawhan nga matupukan sa bakuna.
Sa miaging semana,anaa sa 26-mil ka doses sa Johnson & Johnson vaccines ang na-alokar dinhi sa syudad ug laing 4-mil 500 vials usab sa Misamis Oriental.
