(Update) CAGAYAN DE ORO CITY- Gikalipay sa kapikas sa usa sa mga sundalo nga gibanhigan-patay sa rebeldeng New People’s Army o NPA sa sobra nga pag-atiman ni Pangulong Rodrigo Duterte.
Kini human gibisita ug nakig-simpatiya si Duterte sa mga ginikanan ug kapikas sa mga namatay sa mga sundalo nga sila si PFC Pat Non,Cpl Nino Christopher Talabor ug Sgt Owen Yee samtang nakahaya sa kapilya ng St Ignatius de Loyola sa 4th ID Headquarters sa Camp Evangelista,Cagayan de Oro City sa miaging semana.
Sa paghinabi sa Bombo Radyo,gibutyag ni Gricel Talabor nga nakaandam nga mobarog nga mahimong maninoy si Duterte sa ihimugso niini nga anak ning tuiga.
Miingon si Talabor nga andam usab si Duterte nga mobisita kon bunyagan na ang mahimong binata niini.
Bugtong gipasiguro ni Duterte nga dili mapasagdan ang mahimong anak ni Talabor ug tawagan o i-text lamang siya kon may gikinahanglan.
Si Talabor ang 7 ka bulan nga mabdos sa una unta nilang anak ni Cpl Talabor.
Hisayrang susama nga gitunulan ni Duterte sa tig-500-K cash,employment ug educational assistance alang sa mga anak ang pamilya sa tatlo ka sundalo nga 76 ka higayon nga gipusil sa NPA sa Malaybalay,Bukidnon sa miaging semana.
