CAGAYAN DE ORO CITY-Gikompirmar ni acting DILG deputy director for operations Edward Bhagwani ang paghidangat ni Pres Rodrigo Duterte sa syudad karong adlawa.
Kini alayon sa dialogue with brgy captains gikan sa Northern Mindanao diha sa Atrium,Limketkai sa syudad.
Gibutyag ni Bhagwani nga unang mahindangat ni DILG Sec Eduardo Anio aron subli ipasabot sa brgy kapitanes ang mga programa sa ahensiya.
Gikompirmar usab niini nga ipatambong ni Pres Duterte ang duha ka mayor gikan sa highly urbanized city ug ang lima ka gobernador sa maong kalihukan unya sa hapon.Samtang gipatuman ang hugot nga seguridad sa dakong bahin sa syudad ning adlawa.
Kini tungod sa pagbisita ni Duterte sa duha ka dagkong kalihukan nga matigayon sa syudad.
Gibutyag ni Supt Mard Hortillosa,tigpamaba sa Cagayan de Oro City Police Office o COCPO nga una nilang tutukan kauban ang kasundaluhan ang katiguman sa 2-mil 22 ka brgy kapitan gikan sa rehiyon sa Atrium,Limketkai Mall diin tambungan ni Duterte.
Miingon si Hortillosa nga lakip usab sa hatagan nila’g segurida ang regionwide summit sa indigenous peoples o IP nga itigayon sa Xavier Estates,Brgy Lumbia sa syudad ugmang adlawa.
