CAGAYAN DE ORO CITY-Andam si Pres Rodrigo Duterte nga makig-negosyar sa ISIS-inspired Maute terrorists mahunong lamang ang pagsabwag nila’g kagubot sa nasud ilabina sa Mindanao.
Gihimo ni Duterte ang sugyot atol sa paghatag niini sa cash assistance ug scholarship programs sa tulo sa 27 ka Maute-ISIS members nga gi-presentar atol sa pagbisita niya sa Marawi City.
Miingon si Duterte nga hulaton niya ang ubang sakop sa Maute-ISIS nga manganaug aron kabahin sa maghisgot sa paagi kon unsaon pagkab-ot ang lahutay nga kalinaw alang sa Mindanao.
Gisaksihan usab ni Duterte,Defense Sec Delfin Lorenzana;AFP-PNP top officials ug DILG Sec Eduardo Anio ang 2-mil 107 ka klase-klaseng armas nga gi-surrender sa mga sibilyan gikan sa Lanao provinces.
