(Update) CAGAYAN DE ORO CITY- Mismo si Presidente Rodrigo Duterte ang mohatag sa pasidungog nga madawat ni Misamis Oriental Governor Bambi Emano sa kauluhan sa adlaw’ng Miyerkules.
Kini ang katin-awan ni Misamis Oriental information officer Nicole Managbanag nga kabahin sa delegasyon ni Emano sa pagdawat sa Seal of Good Local Governance o SGLG nga gikan sa Department of Interior and Local Government o DILG.
Gibutyag ni Managbanag nga dili si Duterte ang mohidangat sa lalawigan apan mismo si Emano kuyog ang ubang mga opisyal ang atua sa kauluhan epektibo ning adlawa.
Una nang gibutyag ni Emano nga ang pag-ila sa DILG sa lalawigan ang epekto sa paningkamot sa mga empleyado ug pagsunod sa mga programa nga gipatuman ilabina sa paghatag serbisyo sa katawhan.
Si Emano anaa sa iyang ikaduha nga termino sa pagka-gobernador sa lalawigan sukad siya nag-representar kaniadto gikan sa segundo distrito didto sa kamarabaha.
