CAGAYAN DE ORO CITY-Motambong si Pres Rodrigo Roa Duterte sa ikaupat nga grand reunion sa pamilyang Roa nga himoon sa
Atrium,Limketkai sa syudad.
Miingon si Roa Cagayan de Oro Chapter President Nanette Roa nga molungtad sa duha ka adlaw ang pribadong kalihukan diin laraw nila ipadayag ang pagpasalamat sa dakong dungog nga nahatag ni Duterte sa ilang mga kaliwat sa nasud.
Dumduman nga ang mga Roa nakaabot sa Pilipinas sa pahidangat sa tulo ka magsoong Espanyol niadtong ubos sa padumala ang nasud sa Espanya.
Samtang dili tambungan ni City Mayor Oscar Roa Moreno ang katiguman sa ilang mga kabanay nga himoon sa Atrium,Limketkai Mall sa syudad sugod ning adlawa.Kini bisan nga imbitado si Moreno dungan unta sa paghidangat usab ni Pres Rodrigo Roa Duterte sa maong kalihukan.Miingon si
Moreno nga rason niini nga malikayan nga masagulan sa politika ug intriga ang maong kalihukan.
