CAGAYAN DE ORO CITY-Giangkon sa Moro Islamic Liberation Front o MILF nga si Presidente Rodrigo Duterte ang naghatag kanila’g motibasyon aron magkahiusa sila nga botoran ang Yes to Bangsamoro Organic Law o BoL.
Sa pakighinabi sa Bombo Radyo, gipasalamatan ni Mohagher Iqbal, chairperson sa Peace Implementing Panel sa MILF si Duterte tungod sa pagpaningkamot niini nga magkahiusa ang tanan ug makab-ot ang kalinaw sa Mindanao.
Una nang gibutyag ni Iqbal nga naglaum sila nga makuha ang “landslide victory” sa Autonomous Region in Muslim Mindanao areas aron ma-ratipikahan ang BOL .
Samtang kumpyansa ang Moro Islamic Leberation Front nga siguro na ang kadaugan sa plebesito BOL .
Miingon si Mohagher Iqbal, chairperson sa Peace Implementing Panel sa MILF nga base sa ilang nakuha nga impormasyon nakaangkon sa dakong boto ang pagpabor sa BOL.
Matud ni Iqbal nga bisan adunay mga individaul nga migamit sa salapi kwarta aron batokan ang BOL apan wala mapugngi ang makabubuhong nga suporta ang ilang nakuha sa katawhan.
Samtang gipasigarbo ni 103rd Infantry Brigade,Philippine Army commander Col. Romeo Brawner Jr. ang nagmalampuson ug nagmalinawon ang plebisito sa Bangsamoro Organic Law o BoL sa Marawi City ug Lanao del Sur.
Sumala ni Brawner nga walay nahitabo nga mga vote buying ug walay natala nga flying voters sulod sa iyang area of responsibility.
Sa pagkakaron, maoy sunod nilang pangandaman ang pagpatuman sa hugot nga seguridad sa himoong BOL plebiscite sa Lanao del Norte sa Pebrero 6.
