CAGAYAN DE ORO CITY – Gipanguluhan ni Presidente Rodrigo Duterte ang paglab-as sa dakong sakripisyo sa puwersa sa estado nga nag-resulta sa daghang kinabuhi nga nakalas magawasnon lamang sa pag-okupar sa teroristang Maute-ISIS ang katawhan sa Marawi City,Lanao del Sur.
Kini human duawa ni Duterte sa laing higayon kuyog ang kadagkuan sa militar,kapolisan ug pipila ka kalihim ni Pres Rodrigo Duterte ang maong syudad aron dumdumon ang pagsilbing gawasnon sa katawhan batok sa mga terorista.
Miingon si Police Regional Office 10 spokesperson Lt Col Michelle Olaivar nga kabahin usab sa midalikyat sa Marawi Liberation si Defense Secretary Delfin Lorenzana;PNP chief Dir Gen Guillermo Eleazar;DILG Sec Eduardo Ano
, ug ubang mga opisyal gikan sa kauluhan.Kuyog usab sa presidente sila si Sen Bong Go at Sen Ronald de la Rosa kinsa ilang kasamtangang pambato sa partido sa PDP-Laban Cusi faction sa 2022 elections.
Dumduman nga petsa 17 ning bulana pa gyud unta ang mismong liberasyon sa Marawi City apan mas gisayo ni Duterte kay dunay ‘No Movement Sunday’ batok COVID-19 pandemic nga gipatuman sa Marawi City ug Lanao del Sur.
Hisayrang halos 170 ka kinabuhi sa state forces ang namatay sa engkuwentro aron lamang mabawi ang Marawi City batok sa mga terorista sugod Mayo 23 hangtod Oktubre 2017.
