CAGAYAN DE ORO CITY – Gipaabot ni Pres Rodrigo Duterte ang kasub-anan ngadto sa mga pamilya sa pito ka sundalo nga namatay tungod sa pagkahagsa sa Huey chopper samtang mohatod unta sa military supply sa ilang detachment sa Impasug-ong,Bukidnon.
Kini human una unta gilaraw sa commander-in-chief nga duawon ang mga haya sa upat ka personahe sa Philippine Air Force ug tulo ka sakop sa Philippine Army nga kabahin sa namatay sa trahedya.
Gibutyag ni Dutere nga hatagan sa gobierno sa labing taas nga pag-ila ang bayanihong tahas nila ni pilot in command Lt Col Arnie Arroyo, co-pilot 2Lt Mark Anthony Caabay, PAF gunner Staff Sgt Mervin Bersabe,Air Force 1st Class Stephen Agarrado,Army Sgt Julius Salvado, Cafgu Active Auxliary members Jhamel Sugalang Jerry Ayucdo niadtong miaging Sabado sa hapon.
Una niini,gihatagan sa taas nga pagsaludo sa AFP ang mga biktima ayha gipadala sa nagkadaiyang lugar diin naghulat ang ilang tagsa-tagsa ka pamilya.
